Shillong, Jylliew 12 : Ki Nongshongshnong ka Jylla kila ioh ia ka jingkyrmen ba ka um kaba kiew haduh 5 phut ha pung Umiam hadien ka jinghap u slap ba la neh mynta la bun sngi.
Ka jingdon jong ka um ha pung umiam kala kiew n aka 3165 phut sha ka 3170 phut kat haduh hynnin ka janmiet sngi U Blei.
Ha kine ki khyndiat sngi hadien ka jinghap u slap, ki paidbah ka Jylla kila sngew ioh mynsiem namar ka jingkiew biang ka um ha kane ka pung, kaba dei ka tyllong ba ai bording elektrik ia ka Jylla jan baroh kawei.
Da kane ka jingkiew ka um, ka jingkyrmen kala wan ruh ha kaban pynkut noh ia ka jingkyrduh bording hapoh ka Jylla.
Ka Sorkar Jylla kala ap ia u slap ban pynkhlain ia ka jingpynmih bording ha Jylla, kaba la mad ia ka jingtreikam jong ka jingpynlip bording mynta la katto katne bnai, kaba treikam haduh 8-10 kynta manla ka sngi.
Hynrei ban poi sha u pud ba dap snam, ka umiam ka donkam sa kumba 50 phut ka um namar ka lah ban pyllang tang 3220 phut ka um.
