Nongpoh, Jymmang 24 : Uwei u rangbah ba 35 snem ka rta, ula shah pyniap dusmon ha ki runar kiba la wan rung jubor ha ka Iingsah jong u hynnin ka miet sngi Palei, ha shnong Umtasor Mawdkhar, Ri-Bhoi District.
Une u Rangbah u kyrteng u Bah Amison Muruh, uba la shah pyniap da kaba dung da ki kynja tiar ba nep na ka ryndang.
U Rangbah Shnng Bah R Mukhim ula ong ba kane ka jingjia kala pynpar niarkhriat ia ki paid nongshongshnong bad kum ka Shnong kam lah satia ban mutdur ba ki riew thrang snam kin leh ia kat kane ka kam.
U pyntip ba ula ioh jingtip ia kane ka jingjia ha ka por 7:30 baje mynmiet ha kaba ma u lem bad kiwei ki nongialam shnong kila leit bran bran sha katei ka Iing ban leit jngoh.
U iathuh ba mar iapoi, la pyntip noh sha ki Pulit ka Nongpoh Police Station ba kin wan tohkit bad leh ia kaba donkam.
U Rangbah Shnong bad u Bah Seibor Muruh, Kni jong u Amison Muruh, kila pynrem jur ia kane ka jingjia bad kila dawa ia ki bor ka ain ba kin pynlong ia ka jingtohkit kaba thikna halor kaneka jingjia khnang ban ioh kem ia ki briew kiba donkti.
Kat kum ka khubor ba ioh lum, ki Pulit kila rah ia ki katto katne ngut ki briew kiba suba donkti ha kaban leh ia kane ka kam bymman.
