Tura, Jylliew 14: Ki kynhun sengbhalang bapher bapher na South Garo Hills, hynne ka sngi Thohdieng, kila pynlong ia ka rally ba jai jai ha Baghmara ban pynrem ia ka jingshah leh beijot dang shen ki saw ngut ki Khynnah na South West Khasi Hills.
Ka kyrwoh bala pyllait da ka Garo Students Union (GSU) Khasi Hills Unit bad ka A’chik Holistic Awakening Movement (AHAM) South West Khasi Hills, la pyntip ba ha ka 7 tarik Jylliew, 4 ngut ki Khynnah kiba dang hapdeng 13-14 snem ka rta, kila shah leh beijot ha ki runar kiba don kumba 12 ngut eiei.
Kane ka rally ha Baghmara kala sakhi ia ka jingwan iashimbynta jong ki khynnah skul na ki skul bapher bapher nalor ki kynhun sengbhalang ba kynthup ia ka GSU, ka A’chik Youth Welfare Organisation (AYWO), Nokma Garo Community Organisation (NGCO) bad ka A’chik Peace Association (APA).
Ki nongiaid rally kila pynrem jur ia kane ka kam bymman bad kila dawa ban pynioh ia ka jingbishar kaba hok ia kine ki lanot.
“Ngin iai bteng ia ka jingiakhih jong ngi tad haduh ba kine ki Khynnah ki ioh ia ka jingbishar bah ok” ong u Nongaiktien ka AHAM haba dawa ban kem mardor ia ki runar kiba don kti.
