Tura, Naiwieng 3: Arngut ki heprit kila shah leh be-ijot ha ki artylli ki jingjia ha ka 1 tarik Naiwieng ha Ri-lum Garo, kaba la pynlong ia ki Pulit ban shimkhia mar mar bad lam sha ka jingiohkem ia baroh ki briew ba donkti ha kine ki kam bymman.
Kine ki jingjia kila jia ha South Garo Hills bad ha West Garo Hills District, ong ki Heh Pulit.
Ka jingjia ba jia ha South Garo Hills kala jia ha Jadigittim ha kaba kawei ka Khynnah kala shah lehbeijot jala u jong u Kpanah hala iing.
Ka Kmie haba ioh jingtip ia kane, kala leit ban ujor sha ki Pulit ka Jadigittim pyrshah ia u kurim u Cheng Ch Marak. Ki Pulit kila kem noh ia une u briew bad la register case pyrshah ia u hapoh ka kyndon jong ka POCSO Act.
Ha kane kajuh ka miet, sa kawei ka khynnah katba ka dang wan phai Iing lem bad arngut ki paralok shynrang, kila shah khang lynti ha ka kynhun ki runar ha Chibinang kaba hap hapoh ka Phulbari Police Station, West Garo bad kine ki runar kila patan ia kine ki khynnah sha ka jaka ba kynjah bad kila leh beijot ia ka.
Ia kane ka Khynnah ba dang 14 snem, la synran da kine ki paralok shynrang ba kan leit shala iing ha ka por ba jia kane ka ingjia.
Ki Pulit ki iathuh ba san ngut ki runar kila donkti ha kane ka kam bad napdeng kine, kila iohkem ia 4 ngut katba uwei pat ula phetrieh.
Kine ki runar ki kyrteng u Zakirul Islam ba na Chibinang, Rakif Rahman, Bhima Sainasi, Laddu Islam (kiba dei na Chibinang) bad u Kaushik Gupta ba na Bhogularbita, Phulbari.
