Shillong, Naiwieng 03 : Ki Pulit ka Ri-Bhoi District, kila shim lang ia ka sienjam ban pynioh ia ka jingpynsajia ia u Heh Nongialam ka seng Hynniewtrep National Youth Front (HNYF) uba lum pisa beain na ki trok kit mar, ba kin lait iaid n aka jingkieng Damsite, Umiam.
Ki Pulit ka Ri-Bhoi District ruh kila register da ka Suo-moto case pyrshah ia une u Nongialam ka HNYF u Bless Dkhar.
U Bless Dkhar, President ka HNYF-East Khasi Hills, ula shah kem ha ki Pulit ka East Khasi Hills myn ha ka 31 tarik Risaw na ka thain Pohkseh, Shillong.
Ia une u Heh ka HNYF la kem da ki Pulit ka Laitumkhrah Police Station kiba la register da ka suo-moto case pyrshah ia ka jinglum pisa be-ain une u briew na ki trok hadien ka jingmih khubor ia ki kam bymman ba ula leh.
“Ki Pulit ka Ri-Bhoi District ruh kila register case pyrshah ia u Bless Dkhar. Ngi la register da ka suo-moto case halor ki khubor ba mih” ong u Superintendent of Police ka Ri-Bhoi Giri Prasad haba iakren bad ka Shlem.
Une u Heh Pulit u pyntip ba haduh mynta ym pat don satia kiba wan shakhmat ban ujor pyrshah ia ka jinglum pisa jong une u briew hynrei ki Pulit kila shimkhia ia kiei ki kam b aula leh bad kin sa pynlong ia ka jingtohkit kaba bniah.
 uba lum pisa beain na ki trok kit mar, ba kin lait iaid n aka jingkieng Damsite, Umiam.){kind=link}