Guwahati, Rymphang 13 :Ha kawei ka jingjia kaba sngewsih, uwei u shipai u la shah kyrdem noh ha uwei u hati khlaw ha ki bynta jong ka Narengi cantonment ha Guwahati, Assam ha kane ka jan miet sngi Saitjain ba la lah.
Ia utei u shipai uba la shah pyniap la tip kyrteng kum u Khamliyong Khap, uba dei na Dimapur.Katkum ki trai shnong la ong ba ia utei u shipai u ba la mynsaw jur na katei ka jingshah thombor la pynkit noh mardor shapoh ka hospital shipai ha Basistha, Guwahati hadien ba u la khlad noh namar ka jingmynsaw jur.
Kumta ki khubor la ong ba ki hati khlaw ki ju mih napoh ka jaka khlaw jong ka Amchang Wildlife Sanctuary na ka bynta ban shang wad bam sha ki shnong briew kiba don marjan.
Ka Narengi Army cantonment ka don marjan ka jaka iaid lynti jong ki hati bad ha kiba bun ki khep kine ki hati khlaw ki ju iaid lyngba ruh na ki jaka jong ka cantonment.
“Ia kine ki hati khlaw la ju iohi ha kitei ki jaka hadien ba kila mih napoh Amchang Wildlife Sanctuary na ka bynta ban wad bam,” ong uwei na ki nongshong shnong.
