Shillong, Lber 13: U Myntri ka tnad Bording AT Mondal ha ka sngi Balang ula ong ba kawei na ki daw kaba ktah bha ia ka jingtreikam ka Meghalaya Power Distribution Corporation Limited (MePDCL) ka dei ka jingpynsahteng ban siew ia ka bai bording da ki nongthang bording.
“Ka bai bording kaba dang sah bym pat siew kala kot sha ka T. 658.92 klur” ong u Mondal haba jubab ia ka cut motion hapoh ka Iingdorbar.
“Ka MePDCL kala pyrshang kat kaba don ki lad ban ioh noh ia baroh ki bai bording ba dei ban ioh, ka ban lam shaka jingdon biang ka pisa tyngka ha ka pla jong ka kompani” ula ong.
Nalor kane, na kane ka pisa, T.186 klur kala sahteng namar ka jingiaid mukotduma ka bym lah satia ban leh eiei, ula bynrap.
Haba iadei bad ki smart meter, u Myntri u pyntip ba ia mynta kumba 1,09,000 tylli ki smart meter lah dep ban pyndait ha kylleng ki jaka jong ka Jylla.
U pyntip ba ka MePDCL kala pyntreikam mynta ia ka smart meter ha kylleng ki jaka sor bad jaka nongkyndong ban ioh ia ka jingkhein kaba thikna ha ka bill bai bording, pynduna ia ka jingbakla ki briew ha ka jingleit khein ia ki meter, bad pynlong ia ki nongthang bording ba kin siew kat kum ka jingpyndonkam ia ka bording.
U iathuh ba ka MePDCL lyngba ki skhim bapher bapher ka Sorkar Pdeng bad Sorkar Jylla, kala pyndait ia ki smart meter ha kylleng ki jaka jong ka Jylla.
 ka dei ka jingpynsahteng ban siew ia ka bai bording da ki nongthang bording.){kind=link}