Shillong, Risaw 23 : Ka jingkhang ia ka iew khappud (Border Haat) kala ktah jur bha ia ka jingim bad ka kamai jakpoh jong ki briew kiba sah ha shilynter ki jaka khappud ka India-Bangladesh ha Mawsynram, East Khasi Hills, ong u MLA ka thain Bah Olan Suin ha ka sngi Palei.
U Bah Suin ula iathuh ha ki lad pathai khubor ba ka jingpynsangeh ia ka khaii ka pateng kala pynkut ia ka kamai ka kajih, kaba ktah jur ia ka ioh ka kot ka thain.
“Ka iew ba ki paid ha khappud ki pyndonkam ban iadie iathied kala sangeh mynta namar ym don shuh ka jingiadie iathied mar. Kumta, kala ktah jur bha ia ka jingim bad ka kamai jakpoh jong ki paid bah ha khappud namar ka iew kala khang dam” ong u bah Suin.
Ula bynrap ba katto katne ki briew ba shaniah na ka iew khappud ban kamai jakpoh, la pynbor ia ki ba kin wad lad pat da kiwei ba kin im.
U Bah Suin ula pyntip ba ki briew kila phai biang sha ka kam rep hynrei kane ka shu biang tang ba kin im ialade ym ba kin kiew bad nang roi. “Lada phi kwah ban kiew, phi hap ban leh ia kiwei kiwei ruh ki kam” ula ban jur.
 kala ktah jur bha ia ka jingim bad ka kamai jakpoh jong ki briew kiba sah ha shilynter ki jaka khappud ka India-Bangladesh ha Mawsynram, East Khasi Hills, ong u MLA ka thain Bah Olan Suin ha ka sngi Palei.){kind=link}