Shillong, Nohprah 07 : Lai ngut ki thei ialehkai phutbol kaMeghalaya, kila shah khot ban iashimbynta ha ka trial na ka bynta ka Indian U-17 Women’s National Team, ka ban sa long ha Bangalore.
Kine ki thei ialehkai ka Jylla ki dei ka samla Eiladki Ksoo, Ibashembha Khongsit bad Ibadarihun Nongsiej.
Ia kine ki lai ngut la jied na ka jinglah ialehkai bha jong ki ha ka Meghalaya Women’s State League ba dang shu kut shen. Ka samla Eiladki bad Ibadarihun ki dei kiba ialehkai na ka Laitkor katba ka samla Ibashembha ka ialehkai na ka Mawlum Tyrsad.
“Kane ka jingjop jong ki ka kren ia ka jingaiti jong ki bad ka jingnang khlain ka jingialehkai phutbol ki kynthei ha ka Jylla jong ngi” ong u President ka Meghalaya Football Association Bah Hamletson Dohling.
“Ka long kaba ai mynsiem ban iohi ia ka jingmih shakhmat jon ki nongialehkai ba dang khynnah bad ban shimti ia ka jaka ha ki rynsan kiba kham heh”.
Ula kyntu ia kine ki thei ialehkai ba kin leit sha kane ka trial da ka jingsngewskhem, ka jingsngewrit bad ka jinglong ba kloi ban ioh jinghikai. “La ka long kumno kumno ruh ka jingmih, kadei ka kabu ka dei kaba dei hok ba ioh. Nga kitbok kitrwiang ia ki baroh” bynrap u Bah Dohling.
