Imphal, K’lyngkot 30 :Ka kynhun ki pulit napoh Thoubal District ka Manipur ki la kem noh ia u nongwad RTI, u Wahengbam Joykumar Singh ha ka 29 tarik mynta u bnai halor ka jingjia shah pyniap ba dang shen jong u convenor ka BJP Ex-Servicemen Cell, u Laishram Rameshwor Singh.
Ia une u nongpan RTI la kem noh na ka iingsah ka jong u ha Wangkhei Hijam Leikai, Imphal East.Ia ka FIR la ujor pyrshah ia u halor katei ka jingjia.Katkum ki jingtip ba la ioh pdiang na u SP ka Thoubal District la ong ba ia une u briew uba la shah kem noh uba la don kumba 50 rta yn wallam hakhmat ka kashari bad ban set ia u hapoh ka jingkhmih jong ki pulit na ka bynta ban bteng shuh shuh ia ka jingtohkit.
Lah ban kdew hangne ba utei u nongialam ka BJP u la shah siat ip ha uwei u briew ia uba la tip kyrteng kum u Ayekpam Keshorjit, 46 snem rta hapoh ka iingsah ka jong u ha Leika hapoh Thoubal Kshetri ha ka por mynsngi mynshai ha ka 24 tarik mynta u bnai.
