Shillong, Nohprah 07 : Ki Pulit ka Anti Narcotics Task Force (ANTF) ka West Khasi Hills, kila ioh kem ia uwei u samla na Mawlai na Upper New Nongstoin bad ioh kurup ia u droks ba 4 gram.
Une u samla u kyrteng u Bakordor Marshyllong ba na Mawlai Nongkwar, Shillong. Ia une u briew la ioh kem ha ka miet 6 tarik Nohprah por 8 baje eiei.
Ha ka jingtalasi ia ka met jong u, ki Pulit kila ioh kurup ia 4 gram u droks heroin, 43 tylli ki tyndong plastic bar it, 2 tylli ki thyrnia injek bad ka pisa ba T.1736.
Ia une u samla la register case ha Nongstoin Police Station hapoh ki kyndon jong ka NDPS Act.
