Shillong, Lber 12: Ki Pulit ka Jylla kila kem sa saw ngut ki briew na Ri-Bhoi District, kiba suba donkti ha ka jingjia pynbthei bomb kaba jia ha ka miet sngi Saitjain ha Them Metor, Them Iewmawlong.
Ia kine ki saw ngut la kem da ki Pulit ka East Khasi Hills ha ka jingkhynra bala pynlong lang bad ki Pulit ka Ri-Bhoi hynnin ka sngi Nyngkong.
Ka khubor Pulit ka iathuh ba arngut la kem na Umsning bad arngut na ki thain Nongpoh.
Ka khubor ka iathuh ruh ba na kine ki briew, ki Pulit kila ioh ruh ban kurup ia u bomb IED bym pat pynbthei.
Ki khubor ki bym pat lah ban pynthikna, la iathuh ba kine ki arngut ki don jingthmu ban pynbthei ia u bomb ha Nongpoh.
Ki pulit ki dang pynlong mynta ia ka jingtohkit ban lapdien ia kiwei kiwei ki briew kiba donkti lang ha kane ka kam kiba kynthup ia kiba iarap bei pisa, ba ai jaka sah, ba pynbuhrieh ia u bomb bad kiwei kiwei.
Ia ka khubor ba bniah yn sa pynlait sa shiphang.
