Guwahati, Naiwieng 12 :Kawei ka longkmie na Nagaland kala shah kem noh ha ryngkat shibun bah ki tiar pynbthei hapoh Sonari kaba hap hapoh Charaideo district ka Assam hynnin ka sngi Thohdieng.
Katkum ki tyllong khubor, kane ka longkmie kala shah kem noh ha ryngkat hynniew tylli ki synduk kiba don ia ki tiar pynbthei ia kaba ka thmu ban pynpoi sha Namtola lyngba ka auto rickshaw napoh ka bus counter.Ia kine ki tiar pynbthei la pynkit napoh Guwahati.
Haba kren sha ki lad pathai khubor, uwei na ki trai shnong ula ong; “Ia kine ki tiar pynbthei la pynkit da ka bus night super kaba kamai hapdeng ka Sonari bad ka Guwahati.”
“Ia kine ki tiar pynbthei la ioh kurup hadien ba la pynlong ia ka jingtalasi da ki bor pahara hapoh Namtola check post,” ula ong shuh shuh.
Lah ban kdew ba ia kine ki tiar pynbthei la ioh ban kurup noh katba dang buh ia ki shabar jong kawei ka jaka die kot ha Sonari.
Ia kane ka briew kaba la shah kem noh la tip kyrteng kum ka Bheri Mizo, kaba dei na ka jylla Nagaland.
Ha kawei pat ka bynta ia u nongniah jong katei ka auto rickshaw ia uba la tip kyrteng kum u Adam Tori ruh la rah noh da ki pulit na ka bynta ban pynlong ia ka jingtohkit. Mynta ka jingtohkit halorkane ka la iaid shakhmat.
