Shillong, Iaiong 03 : Kawei ka gypsy ki Pulit ka Mawlai Police Station, kala shah wiang ding hynne ka step phyrngap ha ka kynhunki runar ki bym lah satia ban tip ki dei kiei.
Kat kum ka khubor Pulit, la iathuh ba kane ka jingjia kala jia ha ka por 2:40 baje hynne ka step phyrngap.
La ong ba san ngut ki samla shynrang kila wan da ka scooty bad kawang petrol bomb ha kane ka gypsy kaba pynieng ha phyllaw jong ka Police Station.
U Superintendent of Police ka East Khasi Hills Rituraj Ravi, u iathuh ba kane ka gypsy kaba shah kawang petrol bomb ka don u nombor ML02-0194. U iathuh ba ka ding kala pynjulor klai bha ia kane ka kali.
Une u Heh Pulit u pyntip ba ki briew kiba donkti, ki don kumba 5 ngut.
Ki Pulit kila register case halor kane ka jingjia hapoh ka kyndon 120B/307/427/436/34 jong ka IPC bad kyndon 3 jong ka Explosive Substances Act bad kyndon 4 jong ka Damage of Public Property Act.
U iathuh ba jingtohkit mynta kala iaid shakhmat ban lapdien ia ki briew kiba donkti.
