Shillong, Iaiong 03: Ki dkhot ka KSU South Khasi Hills ryngkat ki riew paidbah, kila iatur paidbah hynne ka step sha Sohra Police Station bad dawa pyllait mardor ia ki dkhot kiba shah kem halor ka jingkynnoh pyniap ia ki arngut ki bar jylla ha Ichamati.
Ki paidbah na Sohra bad Shella kila iamih khrui ban synran ia ki dkhot ka KSU-SKH kiba hiar leit pan jingshai ia ka jingkem ia ki dkhot ka seng.
Ia ka KSU-SKH la synran ruh da ki kynhun sengbhalang ka thain.
Ki Pulit ka East Khasi Hills ha ka 1 tarik Iaiong, kila kem ia arngut ki dkhot ka KSU-SKH ba kyrteng u samla Shanborlang Shati bad u Mesadapbor Skhembill.
La kynnoh ba kine ki arngut kila donkti ha kaban shim iaka jingim jong u Esan Singh bad u Sujit Dutta ha ka shnong Ichamati kaba la jia ha ka 27 tarik u Lber.
U Superintendent of Police ka East Khasi Hills ula pyntip ba ki pulit kila nang ithuh shuh shuh ia ki briew ba don kti ha kane ka jingjia.
Ia ka khubor ba kham bniah yn sa pyllait kham shibit.
