Tura, Naitung 11 : Ka kynhun ki dkhot ka ACHIK bad kiwei ki sengbhalang kila pynlong ia ka jingiashah jingit hynne ka sngi Ba-ar mar pyrshah ka Mini Secretariat kaba don ha Dakopgre, Tura.
Haba iakren bad u Nongai khubor, u Labenn Ch Marak Executive Member ka Council of Elders, ACHIK ula ong “ Ngi la pyrshang ban iakynduh ia u Myntri Rangbah bad ka Sorkar Meghalaya hynrei ngim shym la iohlad satia lane don kano kano ka jingaiktien. Ngi kwah ia ka Sorkar ba kan sngap lem ia ngi bad ai lem ka por ban iashong bad iakren”.
“Ngi kwah ban long shai halor ka Job Reservation Policy. Hato kan don ne em” ula ong.
Ula ong ruh “Ngi la iohsngew ba ki iakren halor ka jingpyntreikam ia ka Roster nangne shakhmat bad iohsngew ruh ia ka jingken ka Kong Ampareen ha ki lad pthai khubor. Kane ka pynartatien ia ngi. Ngi kwah ba ki Nongmihkhmat ka Sorkar kin wan iakynduh ia ngi, ngi kwah eh ia ka jingiakren bad u Myntri Rangbah hi” ula bynrap.
“Ngi ki ACHIK ha ryngkat kiwei ki Sengbhalang ngi la ialum hangne, mar pyrshah ia ka Mini Secretariat ban iashah jingit namar ka jingsngap jar jar ka Sorkar ia ka jingkwah iakren halor ka JRB bad ka Roster System nalor ka jingdawa ia ka Winter Capital” ula ong.
Pule lang ia kane: Sngewkhia ka KHNAM ba kynnoh pyntreikam ka Sorkar ia ka Roster naduh ki snem ba mynshuwa
