Shillong, Lber 31: Ka Meghalaya Sport Climbing and Mountaineering Association (MeSCMA) kala jied ia u samla B Kyrmenskhem Lyngdoh uba na Upper Lumparing ban iashimbynta ha ka Basic Mountaineering Course (BMC) ha Himalayan Mountaineering Institute (HMI), Darjeeling, kaban sdang naduh ka 1-28 tarik u Iaiong 2026.
Kane ka jingjied kadei ka jingioh jingithuh u samla Lyngdoh halor ka jinglehbha ka jongu ha ka jingiashimbynta ha ka National bad Zonal Championships, la ong ka MeSCMA.
“Ka jingshah jied na ka bynta katei ka jingioh jinghikai kaba kyrpang kadei ia ki dkhot jong ka Association kiba la ioh khur ia ki takma ha ka National bad Zonal Championships, kum ka jingai jingithuh ia ka jinglehbha ka jongki bad ia ka jinglah ka jongki ha ka Sport Climbing and Mountaineering,” la pynpaw ka Association.
Kane ka jingai jinghikai kadei kaba la bei tyngka da ka Ophis treikam jongu Director jong ka Directorate General of Assam Rifles.
“Ka BMC kadei ka prokam kaba la pynwandur na ka bynta ki kynthei bad shynrang ha kaba iadei bad ka Mountaineering ne jingkiew lum” la ong ka MeSCMA.
Kane ka jingai jinghikai ne Training kadei ban hikai halor ki bynta bad ki buit ban iaid ha ki maw, thah bad ka ior bad ban ai ia ki jingbatai kiba bniah bad ki rukom leh kiba bniah ha ka jingkiew lum bad kiwei kiwei kiba don bynta lang bad kane.
“Ngi ai khublei bad kitbok kitrwiang ia u Kyrmenskhem ba yn lah ban pyndep ia katei ka jingioh jinghikai bad ban ioh kheit ia u soh ka jingjop ha ka lawei ka jongu ha ka Mountaineering,” la pynpaw ka MeSCMA ha ka kyrwoh.
 kala jied ia u samla B Kyrmenskhem Lyngdoh uba na Upper Lumparing ban iashimbynta ha ka Basic Mountaineering Course (BMC) ha Himalayan Mountaineering Institute (HMI), Darjeeling, kaban sdang naduh ka 1-28 tarik u Iaiong 2026.){kind=link}