Shillong, Jylliew 22 : Ka North East Football Development Council kala lum iaka jingialang General Body hynne ka sngi Saitjaiñ ha Assam bad kala jied ia u Lalnghinglova Hmar, Myntri ka Tnad ialehkai ka Mizoram kum u President ka Council.
Ka NEFDC kala jied ruh ia u Menla Ethenpa na Sikkim kum u Senior Vice President, u Bah Hamletson Dohling, President ka Meghalaya Football Association kum u Vice President, u Kipa Ajay uba dei u Treasurer jongka AIFF kum u General Secretary.
Nalor kane ka NEFDC kala jied ruh ia kiwei kiwei ki nongkitkam na ka bynta ban pyntyllun iaki kam jong ka Council da kaba buh hakhmat ban kyntiew iaka jingialehkai Football ha ka thaiñ shatei Lammihngi bad ha ka ri baroh kawei.
