Shillong, Iaiong 2: Ha Lyngkha Bneng (The Elysian Field), ka phlim Khasi kaba la shna da u Bah Pradip Kurbah, kala jam sha uwei pat u mawmer da ka jingshah jied ha ka rynsan iakob kaba kongsan ne Main Competition jong ka 47th Moscow International Film Festival (MIFF) 2025.
Ka jingioh rung kane ka phlim Khasi ka long ka burom ban iakhun bad kiwei pat ki phlim ha katei ka Film Festival kaba la pawnam bad kaba la rim tam ha ka pyrthei kaba la sdang naduh u snem 1935. Kane ka Festival kan long ha Moscow naduh ka 17 tarik haduh ka 24 tarik u Iaiong, kaba wanrah lang ia baroh ki nongshna phlim kiba pawnam, ki tyngshop ki puron kiba pawnam na kylleng ki ri ka pyrthei.
Ka jingiaid lynti jong ka ‘Ha Lyngkha Bneng’ kala sdang ha u snem 2020 haba kala shah jied ha ka Asian Project Market ha Busan, South Korea bad ha ka Co-Production Market ha ka Film Bazaar, kaba la pynlong da ka National Film Development Corporation (NFDC) ka India.
Kine ki jingioh jingithuh kala pyni ia ka jingbiang jong kane ka projek naduh kaba sdang, kaba la plie lad ïa ka jingroi bad jingjop jong ka phlim. Kala shim por ar snem ban pynmih ïa kane ka phlim, kaba la ring bad shim ïa ka jinglong jong baroh ki saw aiom bad la ringdur ha kylleng ki bynta jong ka Sohra, Meghalaya, kaba pyninam ïa ki jaka kiba itynnad jong ka thaiñ bad ka jingitynnad jong ki jaka ryngkat bad ia ka kolshor.
La pynmih ia kane ka phlim da ka Kurbah Films ryngkat ka jingiatreilang bad ka Hello Meghalaya, Pomus New Horizons, Ka Knup Creatives bad ka Cat N Mouse Entertainment.
Ha kane ka phlim ki tynshop ki puron kiba la iashimbynta ki kynthup ia u Bah Richard Kharpuri, Helena Duiia, Baia Marbaniang, Albert Mawrie, Merlvin Mukhim bad Jeetesh Sharma.
Ka phlim kala ngam jylliew sha ki mat kiba iadei bad ka imlang sahlang, ka jinglong marwei bad ka jingiadei kaba khlain hapdeng para briew. Ka shnong kaba la sdang ban kynjah suki suki namar ka jingkrih sha ki jaka sor, Ha Lyngkha Bneng ka pyni ia ka jingiadei paralok ha ka jingiakhun ban im. Lyngba ki por ba ia mad lang ia ka jingsngewsih, jingtmang bad ka jingiadei paralok, ka jingiathuhkhana ka pyni iaka jingskhem ha ka mynsiem bad ka jingiadei kaba ym lah ban bthat kaba batai shai ia ka jinglong ka jong ngi.
Ka jingshah jied sha ka Moscow International Film Festival kala long u mawjam u ban sah jingkynmaw ha ka histori jong ki phlim Khasi bad ka lad ka bym poi pyrkhat ban mihkhmat ia ka thain kaba riewspah ha ka riti dustur ban iathuhkhana sha ki nongpeitkai kiba na kylleng ki ri.
Ha ki snem kiba la dep, ki phlim na ka thain shatei lam mihngi jong ka ri kila sdang ban ioh ia ka lad ban pyni ha ki rynsan kiba don ha kylleng ki ri bad ka jingkynthup ia ka phlim Ha Lyngkha Bneng ha ka jingiakob kaba kongsan jong ka MIFF kala nang pynskhem ia ka jingroi jong ka kam shna phlim ha ka thain. Une u mawmer ym tang ba ula rah shajrong ia ki phlim Khasi hynrei kala wanrah ruh ia ka jingphaikhmat kyrpang jong ki briew na kylleng ki ri halor ka jinglong jingman bad ki jingiathuhkhana tynrai kiba la mih na ka thain shatei lam mihngi.
U Bah Pradip Kurbah, u nongshna phlim uba la iohi jngai bha uba la tip ia ka jingtbit ha kaban pynwandur ia ka khana jong ka phlim bad uba iengskhem ban pynsaphriang ia ki khana tynrai, ula iai bteng ban tur shaphrang ban kyntiew ia ki kam shna phlim jong ka thain. Ka jingshah jied kane ka phlim ha ka MIFF ka long ka jingpynshisha halor ka jingiai ioh jingithuh jong ki phlim na India ha ki rynsan ha kylleng ka pyrthei.
Da ka jingpyni ia kane ka phlim Khasi Ha Lyngkha Bneng ha MIFF 2025, la khmih lynti ba kan khring ia ki nongpeitkai na kylleng ki ri, kaban ai ia ka jingiathuhkhana kaba sngewtynnad bad sngew myllung kaban iaid palat ia ki jaka ki puta bad ia u pud u sam ha kaba iadei bad ka kolshor. Ka jingpynrung ia kane ka phlim ha ka Main Competition ka pyni ia ka jinglah jongki phlim Khasi bad ka jinglah ka jongki ban wanrah ia ka jingiadei lyngba ka mat bapher jong ka pyrthei ha ka jingskhem jingmut, ka jingiadei bad ka kamram kaba donkam ban don ia ka jingiadei hapdeng para briew.
, ka phlim Khasi kaba la shna da u Bah Pradip Kurbah, kala jam sha uwei pat u mawmer da ka jingshah jied ha ka rynsan iakob kaba kongsan ne Main Competition jong ka 47th Moscow International Film Festival (MIFF) 2025.){kind=link}