Nongstoiñ, K’lyngkot 31: Ka Meghalaya State Olympic Association (MSOA) kala pyntip ba kala jied ia 13 ngut ki samla ialehkai ka West Khasi Hills ban ioh ia ki jinghikai pyntbit.
Ia kine ki samla ialehkai la jied ha ka Talent Identification lane Sports Testing ha Nongstoiñ ha kine ki khyndiat sngi ba la leit.
Ka office jong District Sports Officer West Khasi Hills District Nongstoiñ, ka kyntu ia kito kiba la shah jied ban leit ïakynduh ïa ki nongtrei ka ophis DSO Nongstoiñ, lane ki lah ban phone ha kine ki number 8257069427 (w)/ 9774247432 (w) na bynta ka jingtip kaba kham bniah.
Ki kyrteng jong kiba la shah jied ki long, Daïahunlang Kharbani, Dolly Thongni, Ioris Syiem, Merysha Marthong, Phibashisha Lyngdoh, Shimtihan Lyngdoh, Tsawanda Thabah, Edyson Ïawphniaw, Firstboklang Mawlieh, Johnronal Sangriang, Kheiñdorlang Hoojon, Lambert Wahlang, Shaipharlin Nongsiej.
