Shillong, Naitung 01: Ha kawei ka jingjia ba sngewsih kawei ka longkmie ba 70 snem ka rta kala mynsaw jur ka kjat ha ka jingshah iuh ha kawei ka kali Bolero Pickup ba don ia u Number ML 04 8991 ha Khyndailad.
Kane ka jingjia kala jia haka por baka tnat Shillong Municipal Board bad ki bor district ki dang pynlong iaka jingtalasi iaki Certificate of Vending (COV) jong ki nongdie madan kiba die jingdie haki thain Khyndai Lad.
Ki para nongshong die jingdie ha Khyndai Lad kila iathuh ba kane ka jingjia kala jia haka por 3 baje tam ha kaba kane ka kali ba kit taiar kala tynrah bad kala ioh ioh iuh na kjat kamon jong kane ka longkmie.
Ki para nongdie madan kila iathuh ba kane ka longkmie kaba la ngat haka jingjia ba sngewsih kadei bala tip kyrteng kum ka Kong Ruphina Rynjah.
La iathuh ba kane ka longkmie kadei kaba dang wan shah sumar ha Civi Hospital hynrei katba dang iaid nangto kala shah tynrah bad shah iuh syndon na kjat.
La iathuh ba iaka longkmie la pyntip nyngkong sha Civil Hospital hynrei namar ka jingjur palat ka jingmynsaw la pynkit noh sha Super Care Hospital.
