Shillong, Nailar 1 : U President ka BJP Meghalaya Bah Ernest Mawrie hynne ka sngi u la kren bad u Lat ka jylla ban pynsngew halor ka jingdawa ban weng ia u SP bad DC ka Tura da kaba kynnoh ba ki pyndik ia ki nongtrei party ha Tura.
“Ngi la phah ia ka dorkhas bad na ka liang u Lat u la kular ia ngi ban thung da ka jingtohkit ba laitluid. Ka jingdawa jong ngi ka long beit ban weng noh mardor ia u Deputy Commissioner ka West Garo Hills bad ruh ia u Superintendent of Police,” ong u Bah Mawrie haba kren bad ki lad pathai khubor.
Haba jubab halor ka jingkylli la ka party kan ap shwa haduh ba da dep lut shwa kane ka jingtohkit, na ka liang u Bah Mawrie u la ong ba naka bynta ba ka jingtohkit kan long kaba khuid, ka long kaba donkam ban weng noh ia u DC bad SP ka Tura.
“Na ka bynta ka jingtohkit kaba khuid, ngi dawa ba dei ban weng shwa ia kitei ki arngut bad ngi kwah ruh ka jingtohkit kaba laitluid, ” u la ong.
