Nongstoiñ, Nailar 7: Ka kur Paliar ryngkat ka shnong Mawrok Mawliehbah bad ka san kyntoid sport club, ki la pynkup burom ïa u samla u Hubert Paliar (u samla bym lait kren ne ïoh sngew), u ba la wanrah ïa ka nam ia ka shnong ka thaw bad ka jaidbynriew Khasi da kaba ïoh ban khur ruh ïa ka nam lahduh ha ka jingïakhun kti, ba la pynlong dang shen ha ka Ri.
Ïa katei ka jingïalang la pynlong ha ka ïing kmie jong utei u samla, uba la jop kum u lahduh ha ka jingiakhun kti 55 kg Senior category.
Une u samla ula shah jied ruh mynta ban leit mihkhmat ia ka Ri India sha ka International Armwrestling Championship ka ban long ha Ri Turkey. Une u Samla un hap ban mih na Jylla ha u bnai Risaw mynta u snem.
Ha katei ka sngi pynkup burom la ïadon lang ki kur Paliar, ki kmie kha na ka kur Kharbani, ki ba haïing hasem, ka kurim u bah Hubert, na ka San kyntoid Sport Club, na ka kynhun kiba duna dkhot met, ki sengbhalang bapher bapher kynthup ïa ka KSU,
