Shillong, Risaw 28 : Ka jingpyrshang jong ka Sorkar Meghalaya ban pynduna ia ka jingiap ki Longkmie ba kha khun ne Maternal Mortality Rate (MMR) kala seisoh-khublei ia ki Policy bapher bapher bala wanrah da ka Sorkar ha kine ki khyndiat snem bala leit noh.
Kat kum ka Health Management Information System, kawei na ki bynta kaba kongsan eh, ka MMR kala nang hiar ha kine ki snem bala leit. Ia mynta, ka Meghalaya kala lum jingkhein tang 107 ngut ki longkmie ba iap kha khun naduh u Kyllalyngkot mynta u snem.
Watla kawei ka jingiap ruh ka dei kaba sngewsih kthang, hynrei ka jingkyrmen ka don namar ka jingiap ki longkmie ba kha khun kala hiar na ka 243 ngut napdeng ka 1 lak kiba kha khun ha u 2020-2021, sha ka 155 ngut ha u 2022-2023 bad mynta ka long tang 107 ngut.
Ka Antenatar Care (ANC) ha ka Jylla kala kot haduh 77%. Ka ANC ka dei ka dak jong ka jinglah ban ioh ia ka jingsumar ha ka por ba pun khun. Ka ANC ka lah ban iarap ban ithuh ia ki longkmie kiba don ha ka jingma kaba khraw na ki jingjia ba sniew ha ka por ba pun khun, bad ka lah ban pynbha ia ka koit ka khiah jong ki kmie bad ki khunlung ba dang kha.
Ka West Jaiñtia Hills (34.8%) bad East Jaiñtia Hills (44.9%) ki dei ki katto katne ki district ha kaba ka ANC ka dang duna bha hynrei ki heh ka koit ka khiah kila pyrshang ban kyntiew ia kane ka ingkhein sha ka kyrdan kaba shngain.
Haba phai sha kawei pat ka bynta kaba kongsan, ki jingpynkha khun ha ki jaka sumar, ka jylla ka don katto katne ki bynta kiba ka hap ban leh eiei namar ka dang duna bha haba nujor bad ka national average. Ka jingkha khun ha ki jaka sumar ha ka jylla mynta ka long 71 % bad ka jingkha khun ha iing ka long 29 %.
Haba phai sha kawei pat ka bynta kaba kongsan, ki jingpynkha khun ha ki jaka sumar, ka jylla ka don katto katne ka jingïoh ban leh namar ba ka long kaba duna bha ïa ka jingkheiñ jingdiah jong ka ri baroh kawei. Ka jingkha khun ha ki jaka sumar ha ka jylla mynta ka long 71 percent bad ka jingkha khun ha iing ka long 29 percent.
Hynrei kane ka jingkheiñ ka dang duna ban ïa ka national average kaba long palat 95 percent na ka bynta ki jingkha khun ha ki jaka sumar.
Namar kata, ki don katto katne ki dak kiba bha, hynrei ki dang don shibun ki kam ba hap ban pynbha bad kumta ka jingsoi ia ka jingiatehlok dang shen bad ka Bill and Melinda Gates Foundation ban pynduna shuh shuh ia ka MMR ka dei ka sienjam ha ka lynti kaba dei.
Nalor kane, kiwei pat ki prokram jong ka Sorkar ki kynthup ïa ka MOTHER App, ka ban pynrung kyrteng ïa ki longkmie kiba armet bad ka ban buddien ïa ki da ki doktor. Ka app ka lum ia ki jingtip shaphang ka rta, ki jingma, ka jinglong jingman jong ka koit ka khiah, ki tarik kha khun bad ai tika, bad katto katne kiwei pat ki lad jingiarap ba la pynbiang.
Ka Safe Motherhood Scheme jong u Myntri Rangbah ka Jylla ka pynbiang ia ki jaka sumar ba kyrpang ia ki longkmie ba armet kiba don hapdeng ka jingshitom, ka jingkit ia ki sha ki jaka sumar ha ka jingdonlang ki Auxiliary Midwife Nurses (ANMs) bad ki kali bala buh kyrpang ban pynkit ia ki kynthei ba armet sha ki jaka sumar.
Ka Meghalaya Maternity Benefit Scheme kaba ai jingkyrshan pisa na ka bynta ka jingsumar ïa ki longkmie ha shuwa ban kha khun bad ki jingkha khun ha ki jaka sumar ki long tang katto katne na ki jingïarap ba ka sorkar ka la shim ban tehlakam ïa ka MMR ha Jylla.
Hapoh ka Village Health Nutrition Day, ka jingthmu ka long ban pynbun ia ki jingpeit bniah bad jingai dawai bad lyngba ki Transit Home, ka sorkar jylla ka ai katto katne ki jingdonkam na ka bynta ki longkmie kiba don ha ka jingma kum ka bam, ka jaka na ka bynta ki khun jong ki, bad ka leit ka wan.
 kala seisoh-khublei ia ki Policy bapher bapher bala wanrah da ka Sorkar ha kine ki khyndiat snem bala leit noh.){kind=link}