Shillong, Jylliew 12 : Ka State Disaster Response Force (SDRF) ha ka sngi Thohdieng, kala ioh sei ia ka met jong u nongbylla, uba shah tep ha ka khyndew kaba twa ha kawei ka jaka ba tei jingtei ha Mawdiangdiang, East Khasi Hills.
Kat kum ka kyrwoh ka SDRF, ka kynhun kala ioh ia ka jingtip halor kane ka jingjia na ka District Disaster Management Authority (DDMA), East Khasi Hills, bad mar mar kala phah ia ka kynhun ai jingiarap ba ialam da u Inspeector T Tynsong. Ka kynhun kala poi ha kane ka jaka ha ka por 2:42 janmiet bad sdang ban tih ia kane ka khyndew.
Ha ka jingtohkit la shem ba une u nongbylla u dang iatih thliew nongrim ban tei ia kawei ka jingtei hynrei kynsan kynsan ka khyndew ba kynton halor, kala tuid bad tap ia kane ka thliew bad ia uwei u nongbylla.
Ka kynhun SDRF kala iatih ia kane ka khyndew la jan shikynta bad hadien kila ioh sei ia ka met ha ka por 4:10 baje janmiet.
Ia ka met la aiti noh sha ki bor ba dei khmih ha ka jingdonlang ki Pulit ka Mawdiangdiang Police Outpost, u Rangbah Shnong ka Mawdiangdiang bad u trai jong kane ka jaka ba pyntrei ia kane ka jingtei lem bad ki para nongbylla.
 ha ka sngi Thohdieng, kala ioh sei ia ka met jong u nongbylla, uba shah tep ha ka khyndew kaba twa ha kawei ka jaka ba tei jingtei ha Mawdiangdiang, East Khasi Hills.){kind=link}