Shillong, Naitung 27: Ka kynhun jong ka State Disaster Response Force (SDRF) ha ka sngi U Blei, ki la ioh sei ia ka met jong uwei u briew naka shnong Shnongpdeng uba ngam jyllop ha ka wah Umngot.
Ka tnat Directorate of Civil Defence & Home Guards, kila iathuh ba la pyntip sha ki pulit SDRF halor kane ka jingjia ha ka por mynstep bad mar mar ki la hiar sha katei ka wah ban leit ai jingiarap.
La sdang ïa ka jingwad briew ha ka por kumba 9.30 baje mynstep da kaba pyndonkam da ki Rescue Inflatable Boat (RIB) bad ki wire.
Lyngba ka jingiarap na ki nongshong shnong, ka SDRF kala pynlong ia ka jingwad ha shilynter ka wah.
La iohi ia ka met jong u rangbah haka wah Umngot ha ka por kumba 4.10 baje janmiet bad la ioh ban sei syndon sha rud Wah.
Hadien ba la ioh sei, iaka met iap la aiti noh sha ki bor pulit ban pyndep ia ki jingdonkam katkum ka ain bad la aiti noh shaki baha iing ka sem.
 ha ka sngi U Blei, ki la ioh sei ia ka met jong uwei u briew naka shnong Shnongpdeng uba ngam jyllop ha ka wah Umngot.){kind=link}