Sei ka AITC da ka Khun u MLA barim ban iakhun elekshon 2023 na Mawhati

Date:

Share post:

Nongpoh, Naitung 24: Ka All India Trinamool Congress (AITC) kala sei da ka Doktor kaba dei ka Khun jong u MLA/MDC barim ka Mawhati Constituency Bah P.W Muktieh, ban pyniakhun ia ka elekshon MLA-2023 na kane ka Constitunecy jong ka Ri-bhoi District.

Kane ka Doktor ka dei kaba la tip kyrteng ka Dr Saralin Dorphang bad la pynskhem ia ka jinglong kyrtong jong ka, da u Dr Mukul Sangma President ka AITC-Meghalaya ha ka jingiadon ryngkat u MLA ka Umroi Bah George Lyngdoh bad kiwei kiwei.

Ka AITC kala pynbna ia kane ha ka jingialang pynrung dkhot ia ki paidbah sha ka Party, kaba long hynnin ka sngi saitjain ha Mawhati. Ha kane ka sngi,ka AITC kala thaw ruh ia ka Mawhati TMC ban pynkhreh ia ka elekshon MLA 2023.

Ka Dr Saralin haba kren ha ka jingialang, kala pynpaw ia ka jingangnud ban pyndep ia ki kam ba dang sahteng jong u Kpa (Bah PW Muktieh) uba la noh synniang shibun eh ia ka Constituency kum u MLA/MDC ha ki snem bala leit noh.

Haba kren ha kane ka sngi, u Dr. Mukul u la batai halor ki mat treikam jong ka party ban wanrah ia ka jingkylla ha kiba bun ki liang, ka jingpynduh ia ki kam bamsap kiba long ki dawbah jong ka jingsahdien ki shnong ki thaw bad ka jylla, ka jingthmu ban weng ia ka jingkyrduh kam kyrduh jam jong ki samla bad kiwei kiwei kiwei ki jingeh.

U Dr. Sangma, u la kdew ruh halor ka jinglong sangsot jong ki nongshong shnong bad ka thaiñ Mawhati kaba la shah iehnoh beiñ ha ki nongmihkhmat kiba la leit noh haba ong ba ha kane ka kynti, ka TMC kaba la sakhi ïa kine kiei kiei baroh, ka la shim ïa ka sienjam kaba kongsan eh da kaba pynmih ïa ka kyrtong kaba don shisha ïa ka thong ban shakri paidbah bad ruh kaba la mad hi dalade ïa kine ki jingeh baroh kum ka khun jong ka dong ka thaiñ.

Share post:

spot_img

Popular

More like this
Related

Ai jamin ka Iingkashari ia u Heh Pulit ba shah kem halor ka jingkynnoh bamsap

Shillong, Lber 30 : Ka Iingkashari Lower Court, hynne...

ACHIK Body demands Tura as second capital of Meghalaya

TURA, March 30: The A·chik Conscious Holistically Integrated Krima...

VPP rubbishes communal allegations against it

SHILLONG, March 30: The opposition Voice of the People Party...

Ban pyntreikam ïa ka Roster System khlem da pynbeit ïa ka Resrvation Policy kan wanrah iaka jingduhnong:VPP

Shillong, Lber 30: Ka jingpynrem bad jingpyrshah jong katto...