Nongstoin, Nailur 24 : Uwei u samla ba dang 20 snem, ula dkhat jubor iala ka jingim da kaba sdien phasi ialade hapoh uwei u dieng ha khlaw jong ka shnong Langdongdai, West Khasi Hills District.
Une u samla u kyrtenng u Prayful Puwein ba na Langdongdai bad ia kane ka jingjia la lap hynne ka step sngi Ba-ar.
Haba ioh khubor ia kane ka jingjia, ki Pulit kila hiar wut wut sha katei ka jaka bad kila pyndep ia baroh ki jingdonkam hashuwa ban pynkit ia ka met sha Riangdo CHC ban pyndep ia ka post mortem.
Ki Pulit kila register case ia kane ka jingjia bad ka jingtohkit kala iaid shakhmat ban lah pynthikna ia ki daw.
