Tura, Nailar 19 : Uwei u briew uba la kynnoh leh beijot ia kawei ka Khynnah, ula dkhar jubor iala ka jingim da kaba sdien phasi ialade hapoh Williamnagar Police Station ha ka miet sngi thohdieng.
Une u briew ba 50 snem ka rta, uba la pyniap ialade, u dei u kobiraij ha kawei kashnong bad u ju kam kum uba tbit bha ban sumar kynbat dawai hynrei ula shim kabu pat ia ki khynnah kiba wan phah sumar ha u.
Une u briew u kyrteng u Jitman Sangma ba na shnong Rongsak kaba hap hapoh Chiading Police Station. Ia une u briew la kem ha ka 17 tarik Nailar hadien ka jingujor jong ki bahaiing kane ka Khynnah.
Haba wan sumar ki nongpang, une u briew ula ju bthah ia ki bahaiing hasem ba kin ieh ia u bad ia ki nongpang ha kawei ka kamra halor ka nongrim ba un pynkyllan ia ki dawai kynbat bad umphiang ia ka met. Ha kane ka rukom, u ju shim kabu ia ki nongpang.
Ki Kmie Kpa kane ka khynnah kila leit ujor sha ki Pulit halor kane ka kam jong u bad ki Pulit ruh kila kem noh ia u bad kit sha Williamnagar Police Station ha ka sngi Palei ban pynlong ia ka jingtohkit.
Hynrei ha ka miet sngi Thohdieng, sa kawei ka khynnah kala wan shakhmat ban ujor ejahar pyrshah ia une u briew haba kynnoh ba ula leh beijot ia ka.
“Ula don hapoh ka along bad ha ka por kumba 9:30 baje mynmiet, u nongap pahara ula leit jngoh ia u bad shem pynban ba ula sdien phasi” ong u Siddarth Ambedkar, Superintendent of Police ka East Garo Hills.
Pule ruh: Syllad ka jingpang Bangla ha Mawlai, iabit haduh 20 ngut tang shisngi ha NEHU
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
