Shillong, Iaiong 06: Kawei ka samla na Tura, kaba pule ia ka Civil Engineering ha Shillong Polytechnic kala pynkut ia la ka jingim da kaba sdien phasi hynne ka Sngi Nyngkong ha Hostel jongka jaka pule.
Katkum ki khubor ba la iohlum la iathuh ba kane ka samla pule kadei kaba la don 24 snem ka rta, kaba na Dakopgre, Tura, West Garo Hills District bad mynta ka dang pule ia ka 4th Semester ha ka Civil Engineering.
Ia ka metiap jong kane ka samla pule la lap da kiwei pat ki samla pule kynthei kiba sah ha Hostel ha ka por 2 baje mynstep.
Kila lap ba katei ka samla pule kala sdien phasi da ka tawlia (Gamucha) ha ki Grill jongka jingkhang iit kaba don ha ka mala ka baar jong ka Hostel.
Halor ka jingiohi ia kane ka jingjia kitei ki samla pule kila lynniar bad pyrta briew, kaba la pynlong ia u nongap bad ia ka Warden jongka Hostel ban leit mardor sha katei ka jaka.
Ki bor pyniaid jongka jaka pule kila pyntip mardor sha Mawlai Police Station bad ia katei ka metiap la pynkit noh sha Shillong Civil Hospital ban leh ia ka post-mortem.
