Nongpoh, Iaiong 28: Ki Pulit ka Nongpoh Police Station, ha ka sngi Nyngkong ki la iaid pynshai paidbah halor ka ain Cigarette and Tobacco Products Act (COTPA) 2003 kaba khang pyrshah ia ka jingdih duma ha ki jaka paidbah.
Ia kane ka prokram la pynlong ha kylleng ki jaka jong ka sor Nongpoh.
Ki Pulit kila pyntreikam ruh ia ki kyndon jong ka COPTA bad kila dain kuna ia ki katto katne ki riew paidbah ki bym burom ia kiwei pat da kaba dih duma saheh ha ki jaka ba bun briew bad ruh ia kito kiba niah kali kamai.
Ka COTPA ka khang pyrshah ia ka jingdih duma ha ki jaka paidbah, hajan ki skul bad kiwei kiwei ki jaka ba bun briew bad kiba pynkhein ia ki kyndon ain kin ngat ha ka jingshah pynshitom bad shah daiñ kuna.
Na ka liang ki Pulit ki la kyrpad ia ki riew paidbah ban burom lem ia kiwei kiba iaid ba ieng ha ki jaka paidbah khamtam haba don ki khyllung khynnah. Kila kyntu ruh ia ki khynnah ba kin kiar na ka jingdih duma, kaba long ruh shibynta ban iada ria ki na ki jingktah ia ka koit ka Khiah.
 2003 kaba khang pyrshah ia ka jingdih duma ha ki jaka paidbah.){kind=link}