Shillong, Nohprah 20: Kumba 20 tylli ki Kynhun ialehkai, ki la iashim bynta ha ka lympung ialehkai Phutbol ki khynnah U-13 Football Tournament 2025-26, ba la pynlong da ka Maraikaphon Youth Club.
Ia kane ka lympung ialehkai lah plie pyrda ha ka sngi Saitjain da u samla Shallborn Paul Kharumnuid ha ka jingiadon lang u Rangbah Shnong ka Maraikaphon, Sohra, bah Ethelbert Sawian kum u symbud kongsan.
Hadien ka jingialang plie, la pynbud pat da ka jingialehkai sdang jong kane ka lympung ba la iakhun hapdeng ka Maraikaphon Youth Club ‘A’ pyrshah ia ka Nongrum Sports Club B.
Ka Maraikaphon Youth Club ‘A’ ka la jop ia kane ka jingialehkai sdang da 11-3, ha kaba u Arvin Wahlang marwei u la lam khmat ia ka kynhun ban thep lai kol (hat trick) bad bynrap lang sa ki kol ba la thep da u Khrawkupar Lynrah bad u Anais Ryngad kiba la ioh ban ia thep mar ar kol bad sa mar shi kol la ioh ban thep ia ki da Zeddya Swer, Fredyson Phanbuh, Ardent Chyne, Max Diengdoh
