Nongstoin, Iaiong 09: Ka lympung ialehkai sports L.P School Sports Meet Nongstoin Town, kaba 10, ka la sdang mynta ka sngi 9 tarik Iaiong 2025 ha madan NDSA Nongpyndeng Nongstoin WKH.
Ha kane ka lympung la wan iashimbynta kumba 18 tylli ki skul bapher bapher ka thain.
La plie ia kane ka lympung ba lai sngi da I district sports officer kong Balarina Syiem kum I kongsan ha ryngkat ka jingdonlang kiwei de ki kynrem ki lyndan, kynthup ruh ia ki nongkitkam jong ka L.P school sports meet Nongstoin town committee, ki official, ki nonghikai skul bad kiwei kiwei.
La pynphuh pynphieng ia kane ka sngi sdang da ki jingrwai jingshad bad kiwei kiwei ki program.
Na ka liang I kongsan I la kyntiew ia ka lama jong ka synjuk bad shim ruh ia ka salute ia ka march pass jong ki 16 tylli ki skul kiba shim bynta.
