Itanagar, Nailur 25 : Ka jingshlei um kaba la wan jia hadien ka jinghap slap kaba jur kala wanrah ia shibun ki jingjulor ha ki bynta jong ka Arunachal Pradesh, bad kawei ka video kaba la saphriang lyngba ki social media la iohi ia kawei ka kali SUV kaba la shah rah noh ha ka um.
Ha kane ka video la iohi ia katei ka kali kaba dang don ha ka lynti surok kaba la shah rong noh ha ka um ha ki bynta them jong ka Subansiri district ka Arunachal Pradesh.
Nalor kata la iohi ruh ia ki laingut ki briew kiba dang iaksaid tyngeh ha kane ka surok kaba la shlei da ka um ban jam sha shiliang katba ka jingther jong u slap ka dang iai bteng ha kane ka jaka.
Ha ryngkat ki jingkhang kiba la plie rynghang, la iohi ia kane ka kali SUV kaba heh kaba la shah rong haduh ba kan da khyllem sha ka jaka riat kaba jylliew hapoh ka shnong Chiputa ha ki bytna shathie ka Subansiri district.
