Shillong, Nohprah 18: Ka Meghalaya Football Association (MFA) kala kitbok ka kit rwiang ia ka kynhun ialehkai ka jylla, ka ban mih madan lashai ka sngi ban iakhun pyrshah ia ka Sikkim ha ka jingiaknieh rung ki jylla ka thain Shatei Lam Mihngi ka ri ha ka lympung Senior Men’s National Football Championship ka Santosh Trophy 2025-26 preliminary round.
Ki Nongialam ka MFA ba kynthup ia u President bah Hamletson Dohling, Secretary bah Sunesh M Syiem, Vice president bah Cliff R Nongrum bad bah Freddy Kharpran, ki la hiar da lade hynne ka step sngi palei sha madan First Ground, Polo, ban iakynduh ia ka kynhun ialehkai ka Jylla.
Ha kane ka jingiakynduh, ki dkhot ka MFA, ki pynpaw ba ki don ia ka jingshaniah ia kane ka kynhun kaban ialam (captain) ia ka da u Hardy Cliff Nongbri bad coach a u bah Khlain Pyrkhat Syiemlieh, ba kin lah ban jam sha ka wat iakhun ba khatduh (final round).
Ha ka juh ka por, la pynkynmaw ruh ha ki player, ba kane ka dei artad ka jingsdang jong ka jingpynkhreh ka MFA ban shna pynwandur janai bha ia la ka jong ka kynhun, kaban khreh ba kan iakhun sha ka lympung ka National Games kaban long ha u snem 2027, kaban long ha la la ka jong ka jylla.
Hadien kane, la sam pat ia ki tracksuit bad kumjuh ki arsut ki jersey sha ki player, kiban phong na ka bynta kane ka jingiakhun.
Kyrteng ki player:
Goalkeepers – Wanteilang Malngiang, Banshanskhem Kharsyntiew, Nister Roy Suting
Defenders – Wanboklang Lyngkhoi, Apborlang Kurbah, Wilbert D Marbaniang, Iohborlang L Lyngkhoi, Allen Camper L Nongbri, Arlangky Nongsiej, Mebankhraw K Wahlang
Midfielders – Hamedamanbha Wahlang, Riborlang L Lyngkhoi, Babysunday Marngar, Dibormi Kassar, Mebanshngain Kurkalang, Fairming Suting, Robertson M Khongriah, Hardy Cliff Nongbri, Kynsaibor Lhuid
Forwards – Shano Tariang, Deibormame Tongper, Dawanchwa C Challam
Support staff:
Khlain Pyrkhat Syiemlieh (Head Coach), Sailon Syngkrem (Assistant Coach), Dious Lapasam (Goalkeeping Coach), Cliff R Nongrum (Manager), Wanbokstar Syiemiong (Physio)
 kala kitbok ka kit rwiang ia ka kynhun ialehkai ka jylla, ka ban mih madan lashai ka sngi ban iakhun pyrshah ia ka Sikkim ha ka jingiaknieh rung ki jylla ka thain Shatei Lam Mihngi ka ri ha ka lympung Senior Men’s National Football Championship ka Santosh Trophy 2025-26 preliminary round.){kind=link}