Shillong, Naiwieng 04: Ka District Disaster Management Authority (DDMA), East Khasi Hills ryngkat ka jingiatreilang bad ka State Disaster Management Authority (SDMA), Meghalaya ka la sam ia ki tiar Emergency Responder Kits (ERK) sha kiba samla ba shah hikai hapoh ka Yuva Aapda Mitra Scheme (Yuva Aapda Mitra Scheme) haka jingialang bala pynlong ha U Soso Tham Auditorium.
Iaki tiar ka sam da u Myntri ka tnat Revenue & Disaster Management u Bah Lahkmen Rymbui haka jingdonlang ki heh ophisar bad ki riew rangbah na ki tnat treikam bapher bapher.
Haba kren ha kane ka sngi ka Deputy Commissioner East Khasi Hills ka Kong RM Kurbah ka la ban jur ia ka bynta ba kongsan jong ki samla ha kaba pynkhlain ia ka jinglah ban ialeh pyrshah ia ki jingshah pynjulor.
Hashuwa kane u Additional Deputy Commissioner bad u CEO jong ka DDMA, East Khasi Hills u Bah S Warjri u la pdiang burom iaki ba wan shim bynta ha ka jingïalang.
Ha kane ka sngi la don ruh ka jingpyni Documentary kaba la pynpaw ïa ka jingsynniang ka Yuva Aapda Mitra Scheme bad ïa ki jingnoh synniang jong ki nongtrei mon sngewbha ha ki jingjia ba sngewsih.
Ha kane ka prokram la ioh jingkren ruh na ka nongtrei mon sngewbha ka Kerda Khongwir bad na Col. Deepak Nambair, Commanding Officer, 61 Bn ka Meghalaya NCC.
Ka Commissioner & Secretary ka tnat Revenue and Disaster Management ka Kong M War Nongbri, haka jingkren kala iaroh ia ka jingshimkhia jong ki nongtrei mon sngewbha bad ka la pynpaw ia ka jingdonkam jong ka jingiatreilang hapdeng ki tnat ha kaba pynduna ia ki jingma na ki jingjia ba sngewsih.
Kala don ruh ka jingpyni iaki rukom shah hikai pyntbit daki nongtrei mon sngewbha jong ka Aapda Mitra.
Haba kren ha kane ka sngi u Bah Lahkmen Rymbui u la iaroh ia ka jingaiti lut jong ki nongtrei mon sngewbha bad pynskhem biang ia ka jingangnud jong ka Sorkar ban tei ia ka kolshor jong ka jingpynkhreh lyngba ka jingpynroi ia ka bor bad ka jingpyniadei bad ki samla.
Ki don 434 ngut ki nongtrei mon sngewbha kiba la shah hikai hapoh ka YAMS East Khasi Hills District, kata NCC 191 ngut, NSS 100 ngut, NYKS 94 ngut bad MBS&G 49 ngut.
Ka jingsam ïa ki tiar Emergency Responder Kits kan iarap bad pyndap ïa ki nongtrei mon sngewbha ban leh kloi ha ka por ba don ki jingjia ba kyrkieh.
, East Khasi Hills ryngkat ka jingiatreilang bad ka State Disaster Management Authority (SDMA), Meghalaya ka la sam ia ki tiar Emergency Responder Kits (ERK) sha kiba samla ba shah hikai hapoh ka Yuva Aapda Mitra Scheme (Yuva Aapda Mitra Scheme) haka jingialang bala pynlong ha U Soso Tham Auditorium.){kind=link}