Shillong, Naiwieng 04: Ki nongshongshnong ka Pharomgre kila pynrem jur ia ka jingkynnoh ujor ejahar thok pyrshah ia ki phra ngut ki nongshongshnong da u Georgemon S Marak.
Ka ejahar ka dei halor ka par marpoh khyndew ha Chibilbang, kaba la die ha u snem 2010 na ka bynta ki kam tih marpoh khyndew ka bym iaid kat kum ka juk saian.
Ha ka kyrwoh, ki nongshongshnong kila kam ba ka jaka ba la ithuh ban tih marpoh khyndew kat kum ka jingstad saian ka dei kaba don ha Guang Dare ym ha Chibilbang bad ki jingkynnoh u Marak kala wanrah ia ka jingpynkulmar jingmut, ka jingpyndik ia ki nongshongshnong.
Ki nongshongshnong kila pynshai ba ki pyrshah jur ia kano kano ka kam tih marpoh khyndew khlem da ioh jingbit ha ka khyndew ka Pharomgre A’khing.
Ki phra ngut ki nongshongshnong ba shah jer kyrteng ha ka ejahar ki dei u Pondit C. Marak, Roster C. Marak, Cracker R. Sangma, Clearbeston Ch. Marak, Probath Ch. Marak, Esabila C. Marak, Waibin N. Sangma, bad Boston C. Marak.
