Shillong, Risaw 8: Ka Ophis jong ka Deputy Commissioner ka East Khasi Hills District, ha ka sngi Balang, kala ai ka jingkyrshan ba pura ban lah pyntreikam bha ia ka MRSSA, 2016.
Kane ka sienjam ka kynthup ia ka jingsam ia ki Laptop, ka jingpynioh ia ki kor internet sha ki 16 tylli ki shnong kiba la sdang nyngkong ban plie lad ba kin lah pyntreikam pura ia ka MRSSA 2016.
Kine ki 16 tylli ki shnong ki kynthup ia ka Risa Colony, Wahdienglieng, Mission Compound, Umpling, Lapalang, Riat Laban Kynjat Phutbol, Nongrim Hills, Nongrah, Lawsohtun, Lower Lumparing, Nongmensong, Upper Lumparing, Pohkseh, Mawpat, Madan Laban bad Malki.
Kitei ki shnong kiba la sdang nyngkong kiba hap ha ka wat kaba nyngkong bad wat baar, kidei kiba la khmih lynti ba kin iohi ia ka jingnang kham bniah ha ka jingpynrung kyrteng ia ki traiiing bad ki nongshongwai hadien ka jingaiti ia kitei ki kor ki bor.
“Ngi khmih lynti ba kane ka jingai jingkyrshan da ki kor ki bor kan iarap shibun ha kaban pynkloi ia ki kam ki jam bad ba ki trai iing bad ki nongshong wai kin rejistar ha kylleng jong ka district” la pynpaw ki ophisar.
