Shillong, Lber 31 : Ka Khasi Hills Autonomous District Council (KHADC) kam don jingtip satia halor ka pisa ba ka dei ban ioh na ka bhah khajna ba dei ban ai da ka Sorkar Jylla, pynpaw ka Comptroller and Auditor General of India (CAG) ha ka kaiphod ba kut ha ka 31 tarik Lber 2020.
“Ha ka jingshisha, ym lap satia ia ki lad ki lynti ba kin don ban pynthikna b aka bhah khajna halor ki minor mineral bad ki khajna na ki kali, ba la pyllait da ka Sorkar Jylla ba kin long kat kum ka hok ba ki dei ban ioh bad ba la pyllait ha ka por kaba dei” ong ka kaiphod CAG.
Kat kum ka kaiphod, ka revenue receipt hapoh ka Mines & Mineral (share of royalty) bad ka khan na ki kali ba la ioh pdiang na ka Sorkar Jylla, kala hiar bha da 93.27% bad 100 % haba ianujor bad ki snem bala leit noh namar ka jingbym ioh ia ka bhah na ka Sorkar Jylla.
Namar kane, ka CAG kala ai jingmut ba donkam ia ka KHADC bad ia ka SorkarJylla ba kin buh ia ki kyndon treikam ki ban pynthikna ia ka jingiasam jingtip bad ka Council halor ka khajna na ki minor mineral bala lum ha ka shisnem bad ka pisa ba dei ban pyllait sha ka Council.
 kam don jingtip satia halor ka pisa ba ka dei ban ioh na ka bhah khajna ba dei ban ai da ka Sorkar Jylla, pynpaw ka Comptroller and Auditor General of India (CAG) ha ka kaiphod ba kut ha ka 31 tarik Lber 2020.){kind=link}