Gangtok, Naiwieng 21 : Ka kynhun ialehkai phutbol ka Tnad Meghalaya Police Football Team kala ioh rung sha ka quarter phainal jong ka Quasquicentennial Invitation NorthEast & East Zone Football Tournament hadien ka jingjop ia ka West Bengal Police da 2-1 kol ha Paljor Stadium, Gangtok.
Ka Kynhun ialehkai ka MLP kala kthong nadien hadien ka jingshah thep shikol ha ka West Bengal Police XI haka kylla step hynrei kam shym la shimpor ia u Pulit Bikram Chettri ban pynphai, kaba pynkut ia kane ka kylla sted da mar 1-1 kol.
Ka kynhun ka MLP kala ialehkai bha ha ka kylla miet bad ha ka minit ba 76, kala ioh ia ka penalty bad u Chettri ula thep ia ka kol, kaba pynioh ia ka kynhun ka Meghalaya Police ia ka jingjop ba nyngkong.
Ka kynhun ka MLP kan iakynduh ia ka Mizoram Police ha ka quarter phainal ka ban long la sngi balang. Kiba jop kin iakynduh ia ka Manipur Police ha ka semi phainal ka ban long la sngi thohdieng.
