Nongpoh, Naitung 12 : Ka kynhun ki nonglute kila prong jubor ha kawei ka karkhana tylliat maw kaba adon ha shnong Killing bad ioh rong tuh ia ka song pisa ba kot haduh T. 1.9 lak.
Kat kum ka jingiathuh ki Pulit, kane ka jingjia kala jia ha ka step phyrngap jong ka 11 tarik Naitung bad kine ki runar kiba don kumba 8 ngut eiei bad kiba la rah ia ki tiar pynmynsaw, kila kyndang jubor ia ka tala jong ka ophis bad ioh rong tuh ia ka pisa hashuwa ba kin phet sha ki khlaw ba marjan.
Ki Pulit ka Khanapara Police Station kila ioh jingtip ia kane ka jingjia ha ka por 3:13 baje mynstep bad mar mar ki pulit iaid pahara ha ryngkat ki CRPF kila hiar sha katei ka jaka ban thwet ia kine ki nonglute.
Ha ka jingtohkit la shem ba kane ka jingjia kala jia ha ka por 2:45 baje eiei.
Na ka liang ki Pulit kila lum ia ki sakhi dak kti (finger print) jong kine ki runar bad kila register ruh ia ka case. Ka kynhun dog squad na Shillong kala hiar sha Khanapara ban lah pynithuh ia ki briew kiba donkti.
Pule lang ia kane: Kyrpad ki Nongshong dukan bam ia ka DC ban pynjynsur ia ka 144 CrPC
