Tura, Nailar 03 : Uwei u Ophisar ka Tnad Agriculture na Ampati, South West Garo Hills, Teseng M Sangma, ula shah rong ha ka umsaw ha ka sngi U Blei, katba u dang pyrshang ban jam sha shiliang jong ka Wah Ganol ha Sella Wari, kaba don marjan ka Tura.
U Teseng ula sah ha MBoSE quarter marjan ka Dolampong kaba hap hapoh a Araimile Police Station, ula ialeit kai bad la ki bahaiing sha ka jaka jngohkai ha Sella Wari hynrei dei ha ka por ba u mut jam ia ka wah, ka um kaba khlain bor, kala rong ia u bad jahklep syndon.
Ka kynhun Search & Rescue Team na ka Tnad Fire & Emergency Service, lem bad ki nongngam um ka thain, kila iahiar sha kane ka wah ban wad ia une u rangbah.
Namar ka jingdum noh ka bneng, la pynsangeh noh ia ka jingiawad ha ka por 7:30 baje bad yn sa pynbteng biang lashai ka step sngi Nyngkong, ong u Superintendent of Police ka West Garo Hills Abraham T Sangma.
Ka jingther u slap ha ka miet sngi Saitjain, kala pynheh ia ki wah ha kylleng ka Ri-lum Garo kynthup ka wah Ganol ha Sella Wari.
