Shillong, Jylliew 23 : Uwei u Khynnah 15 snem ba kyrteng u Sidharth Chhetri, ula shah rong ha ka umsaw kaba la wan kynsan na ka jingther u slap hynne ka janmiet ha Umkaliar.
Kat kum ka jingiathuh u Kpa u Krishna Chhetri, u Sidharth ula leit ban iajngi bad 3-4 ngut ki paralok ha ka Wah Umkhrah kaba don ha ka thain Umkaliar hynrei namar ka jingther u slap, ka umsaw kala wan kynsan kynran bad rong ia u lem bad ia uwei u paralok.
U iathuh ba ia une u paralok la ioh ban pyllait noh da ki briew kiba don marjan jong kane ka wah.
Kat haduh mynta, ki Pulit bad ki bahaiing hase ki dang ia wad ia ka met jong u Sidharth uba dang jah rngai.
