Shillong, Risaw 05 : Ka Voice of the People Party (VPP) kaba don ha Liang Pyrshah, kala tyrwa ba ka State Reservation Policy ka dei ban pynthymmai kat kum ka jingdon paid.
Haba iakren bad ki nongthoh khubr hadien ka jingiashimbynta ha jingbishar paidbah jong ka Expert Committee on State Reservation Policy ba kut hynne ka sngi Saitjain ha Shillong, u nongaiktien ka VPP Batskhem Myrboh ula ong ba ka Reservation Policy ha u snem 1972 kam dei satia kaba pynshong nongrim na ka jingdon paid.
Ula ong ba kane ka Policy u snem 1972 ka dei ka khlem jingmut bad kabym iahap satia.
“Namar kata, ngi la kren shai ba ka Policy ka dei ban pynshong nongrim kat kum ka jingdon paid (jong ki Khasi-Jaintia bad Garo) kumba la pynpaw ha ka para 1 jong ka 1972 Job Reservation Policy” ong u Bah Myrboh.
Nalor kane, ula ong “Ia kito kiba pynshong nongrim na ka jingsahdien, ngim lah ban kyntait ia ka jingshisha ba ki ST ki kham sahdien ban ia ki OBC ha India hynrei watla katta ngi dei kiba dang sahdien, ngim lah ban ioh palat ia ki OBC naba ka jingdon paid ki ST ka dang duna”.
“Ki don kiba kam ba ka Ri-lum Garo ka dei kaba kham sahdien ban ia ka Ri-lum Khasi ha ka pule ka dangle, hynrei kam shym la don satia ka jingwad bniah ban ianujor ia kawei ka jaidbynriew bad kwei pat, kila shu shim na ki District, kaba mut ka jingsahdien jong ka thain” ong une u Nongialam ka VPP.
 kaba don ha Liang Pyrshah, kala tyrwa ba ka State Reservation Policy ka dei ban pynthymmai kat kum ka jingdon paid.){kind=link}