-->

Reservation Policy | Kwah ka HSPDP ban khein kyllum noh ia ka bhah ba 80 % ki Khasi-Jaintia bad Garo

Date:

Share post:

Shillong, Risaw 05 : Ka Hill State People’s Democratic Party (HSPDP) kala ban jur ia ka jingdonkam ban shu khein kyllum lang noh ia ka bhah thungkam ba 80% hapdeng ki paid Khasi-Jaintia bad Garo ban wanrah ia ka jingiakhun kaba koit ba khiah bad ka jingtreikam ba pynshong nongrim ha ka jinglah lehbha.

Hadien ba aiti ia ki jingai jingmut sha ka Expert Committee on the State Reservation Policy, u President ka HSPDP Bah KP Pangniang ula ong “(Ngi la ban jur iaka jingdonkam) ba bishar bniah biang ia ka Reservation Policy ba 12 tarik Kyllyngkot 1972 ban iakiew lang ha ka liang ka iohkam iohjam haba shimkhia ia ki jaidbynriew bapher bapher”.

“Ka Party ka sngew ban kyllum lang noh ia ka 40% +40% kaba long lang 80% ia ki Khasi-Jaintia bad Garo khnang ba kan wanrah ia ka jingiakhun kaba koit ka khiah bad ka jingpynshong nongrim ha ka jinglah lehbha jong ki dkhot ka ST ka Jylla-Khasi, Jaintia bad Garo” ula ong.

U Bah Pangngiang ula ong ba halor ka Office Memorandum ba 18 tarik Nohprah, 1972, ba kren ia ka jingsam bhah ia ki kam ba lait ha ki District, ka HSPDP kala ai jingmut ba dei ban ai kam nyngkong eh haduh 90% ia ki trai shnong jong kino ki District ka Meghalaya haba buh ha ka jingmut jingpyrkhat ba ka jingthungkam ha Khasi-Jaintia kadei ban long beit tang ia ki Khasi Jantia katba ka jingthungkam ha Ri-lum Garo ka dei ban long beit ia ki Garo.

Ula ong ruh ba ka party kala ai jingmut ia ka jingdonkam ban pynkut noh ia ka rukom pyniaid ban rah shakhmat haba kdew ia ka para 2 jong ka Resolution kaba ong “Lada don ka jingduna ha ka jingdon ki ST bad SC, dei ban rah shakhmat sha ka snem thungkam ban wan bad ban ialeh ha kaban thung kam ha une u snem ym ban palat ia ka shisnem”.

Ha kajuh ka por, ka HSPDP kala kyntu ia ka Sorkar Jylla ban pynthikna ba ka jingbishar thymmai biang ia ka State Reservation Policy kam dei ban pynthut ia ka suk ka sain hapoh ka Jylla.

Share post:

-->
spot_img

Popular

More like this
Related

Ha u Naiwieng lah ban mih ka result thungkam Pulit, ong u Heh Ophisar

Shillong, Risaw 07: U Inspector General of Police (SB/Bdr)...

Kiew ka jingdon ki nongthep vote sha ka 23 lak ha Meghalaya | Kham bun ki Kynthei ia ki Shynrang

Shillong, Risaw 07: Ka Meghalaya kala sakhi ia ka...

Dawa ka JNC ban plie lad lem ia ki nongtih par barit baria ban ioh tih mar lang

Shillong, Risaw 07 : Kum shibynta na ka Save...

Assam | Kynthoh u CM ia jingkren u Gaurav Gagoi | Yn ujor da ka ejahar ba kynshoit briew

Guwahati, Risaw 07: U Myntri Rangbah Assam Himanta Biswa...