Shillong, Jylliew 23 : Ka Khun Hynniewtrep National Awakening Movement (KHNAM) kala dawa ia ka Sorkar Jylla ban sam ia ka kaiphod jong ka Expert Committee halor ka State Reservation Policy sha baroh ki seng sain pyrthei ka Jylla.
Kat kum ka jingong u Working President ka KHNAM Bah Thomas Passah, ka Committee, kaba khlieh da u Justice (Retd) MC Garg, kala dep aiti ia ka kaiphod sha ka Sorkar hadien ka jingbishar thymmai ia ka State Reservation ba don mynta ha Meghalaya.
Ka Expert Committee, kaba la thaw ha ka 12 tarik Nailur, 2023, ka kynthup ia u Justice (Retd) Dr Satish Chandra, Prof DV Kumar, Prof Chander Shekhar, bad Prof Subhadip Mukherjee kum ki dkhot. Ka kam jong ka Committee ka long ban shong bishar biang ia ka State Reservation Policy da kaba shim ia ki jingai jingmut na baroh ki kynhun bapher bapher ka Jylla.
U Bah Passah ula ong ba baroh ki seng sain pyrthei, ki sengbhalang bad ki kynhun bapher bapher kilaiakynduh ia ka Committee bad aiti ia ki jingpynsngew bad ki jingai jingmut. Ula ban jur b aka long kaba donkam ban pynioh ia ka kaiphod sha baroh ki seng sain pyrthei khnang ba kin ioh ban pule bniah bad nang ioh ban ai shuh shuh ia ki jingthoh sha ka Sorkar lada donkam.
“Kum ka party ngi sngew ba ia ka copy jong ka kaiphod bala aiti da ka Committee dei ban ai sha baroh ki seng sain pyrthei khnang ba kin ioh ban pule bad nang ai shuh shuh ia ki jingthoh sha ka Sorkar lada donkam” ula bynrap.
Ka Sorkar Jylla kala thung ia ka Expert Committee ban shong bishar biang ia ka Reservation Policy u snem 1972, kaba ai bhah 40% ban iohkam Sorkar ia ki paid Khasi-Jaintia, 40% ia ki paid Gar0, bad 5 % ia kiwei kiwei ki riewlum ka Jylla.
Ha kajuh ka por, kumba la bynshet kam da ka Kynhun Myntri, u Chief Secretary Bah DP Wahlang dang shen ula pyntip dang shen ba un sa shong pule bniah ia ka kaiphod jong ka Expert Committee bad un sa aiti ia ki jingai jingmut halor ki sienjam ki ban shim da ka Sorkar haba iadei bad ka State Reservation Policy, hapoh ka 31 tarik Nailar.
 MC Garg, kala dep aiti ia ka kaiphod sha ka Sorkar hadien ka jingbishar thymmai ia ka State Reservation ba don mynta ha Meghalaya.){kind=link}