Shillong, Risaw 05 : Ka United Democratic Party (UDP) kala ban jur ba ka Expert Committee on State Reservation Policy, ka dei ban shah ialam da ka jingkhein khana samari (Census data) ban poi sha ka jingsam bhah kaba lah ban pdiang hapdeng ki Jaidbynriew Khasi-Jaintia bad Garo.
Kane ka dei kawei na ki phra tylli ki jingshem bad jingai jingmut ba ka UDP kala ai sha ka Expert Committee ha ka jing shong bishar paidbah ia ka Reservation Policy, kaba kut hynne ka sngi Saitjain ha Shillong.
“Lada ngi iaid kat kum ka jingkhein khana samari, ka jingdon paid ki Scheduled Tribe ha Jylla kala kiew na ka 80% ha u 1971 sha ka 86% ha u 2011. Halor kane, kan shong hok lada ia ka bhah kyllum lang jong ki paid Khasi-Jaintia bad Garo yn pynkiew noh na ka 80% sha ka 85% namar ka jingnang bun paid ki Scheduled Tribe. Ai ba ka jingkhein jong ka khana samari kan ialam lynti ia ka Committee ba kan poi sha ka jingsam bha kaba lah ban pdiang da ki paid Khasi-Jaintia bad Garo” ong u General Secretary ka UDP Bah Jemino Mawthoh haba iakren bad ki nongthoh khubor.
Ula ong ba ka Reservation Policy kaba la kha ha u snem 1972 kat kum ki kyndon ka Riti Synshar ka Ri kala a la shakri ia ka jingmyntoi jong ki jaitbynriew ba la ithuh kyrpang jong ka jylla ha kine ki 51 snem ba la dep khlem da don kano kano ka jingiakynad hapdeng ki jaitbynriew trai muluk kata ki Khasi, Jaintia bad ki Garo.
U Bah Jemino ula ong ruh ba ka UDP ka sngew ba ka jingthungkam ha ki District kaba ki kam ki dei kiba lah ban iabujli, ka bhah ba 85% na ka bynta ki Khasi Jaintia bad Garo dei ban ai sha ki nongshongshnong ba pura kiba nang ban kren ia ka ktien lajong.
Ula pynpaw ruh ba khang ban lah wanrah ia ka result kaba bha jong ki samla pule, kam dei ban don kano kano ka jingiapein bad ka pule ka dangle kaba janai bad ruh ia ki jaka pule. Ula ong ba ka jingpass bha ka dei ban dei ka nongrim ha ka jingjied ia ki Nonghikai khamtam ha ka ktien English bad STEM (science, technology, science and maths) subjects.
“Ha ki jaka pule, dei ban bud ia ka jingsam bhah kyllum lang ba 85% ia ki Khasi, Jaintia bad Garo ban pynthikna ia ka jing hikai kaba bha bad ki nonghikai kiba tbit tam” ong u Bah Jemino.
Une u MLA barim ka Nongthymmai ula ong ruh ba haba iadei bad ki professional course, kane ka dei ban pynshong nongrim kat kum ka jingpass bha bad ban ai ia ka seat kat kum ka grade bala buh da ki jaka pule kiba ai jinghikai ia ki course.
U Bah Jeminor ula pypaw ruh ba khnang ban weng ia ka jingeh jong ki briew kiba tlot ka ioh ka kot (kum ka nuksa ki BPL) na ki paid Khasi-Jaintia bad Garo, lah ban wanrah ia ka lad treikam ban kham noh bun sha kine ki briew hapoh ka bhah ba ki hap.
Une u Nongialam ka UDP ula ong ruh ba ka Reservation Policy bad ka roster system kam dei ban treikam sha ki Institution kiba ioh ia ka Grant-in-aid hynrei dei ban long beit thok tang jong ka Sorkar Jylla bad ki Undertaking (shnat treikam) ka Sorkar Jylla.
 kala ban jur ba ka Expert Committee on State Reservation Policy, ka dei ban shah ialam da ka jingkhein khana samari (Census data) ban poi sha ka jingsam bhah kaba lah ban pdiang hapdeng ki Jaidbynriew Khasi-Jaintia bad Garo.Kane ka dei kawei na ki phra tylli ki jingshem bad jingai jingmut ba ka UDP kala ai sha ka Expert Committee ha ka jing shong bishar paidbah ia ka Reservation Policy, kaba kut hynne ka sngi Saitjain ha Shillong.){kind=link}