Nongpoh, Nailur 04 : Artylli ki kali kila julor bha na ka jingrat kawei ka trok hynne ka janmiet sngi Nyngkong ha 18 mile Ri-Bhoi bad ha kane ka jingjia, arngut ki briew kila mynsaw jur.
Kat kum ka jingiathuh ki Pulit, kane ka jingjia kala jia ha ka por 5 baje eiei ha kaba kawei ka trok Dumper AS01-DC_5497 kaba kit ia ki tiar shna rong, kala leit ban tynrah ia ka Tempo AS25-EC_1550 bad kawei ka Auto Rickshaw ML10-C-3520 kaba dang pynieng harud surok.
Ha kane ka jingjia, kine baroh lai tylli ki la pra phom na ka jingjam palat ka jingiatakhuh.
Ha ka jingtohkit, ki Pulit kila shem ba kane ka jingjia kala jia tang namar ka jingpynher sted palat jong ka trok Dumper.
Ki pulit ba arngut ki briew kila mynsaw bad kine ki dei u Triban Boro ba na Amjok, Ri-Bhoi bad u Rantu Das ba na Nongpoh. Kine baroh arngut kidei ki nongiarap jong ka trok Dumper bad la pynkit noh mar mar ia ki sha Hospital ba kin ioh jingsumar.
