Umroi, Nailur 11 : Artylli ki kali-kawei ka Bolero bad ka Duster kila julor klai bha hadien ka jingshah rat ha ka trok katba ki dang pynieng harud jong ka surok Shillong By-Pass ha ka thain Umroi.
Kane ka jingjia kala jia ha ka sngi Thohdieng bad kine ki kali ba julor ki dei ka-Bolero ML05-S-3352 bad ka Duster ka bym shym la lap shuh ia u nombor. Ka trok kaba tynrah ka don u nombor NL01-AH-6742.
Ka khubor ka iathuh ba kane ka trok, kaba dang thmu ban hiar sha Assam, kala leit tynrah ia kine ki kali kiba pynieng harud jong ka surok bah.
Ha katei ka jingjia, ym shym la don kano kano ka jingjia ba sngewsih ne don kiba mynsaw namar bay ym shym la don briew satia ha kitei ki ar tylli ki kali ha ka por ba jia kane ka jingjia.
Ki Pulit kila hiar mar mar sha katei ka jaka ban pynlong ia ka jingtohkit bad kila rah noh ia ki kali sah thanad ban leh ia kaba donkam.
