Nongpoh, Jylliew 01: Lai ngut ki briew kila lait da ka said na ki jingma jingmynsaw hadien ba ka tanker kit umphniang, kala leit ban rat ia ka Iing ba ki sah ha ka thain Umran, Ri-Bhoi District hashuwa ba kan noh sha wah Umran.
Kane ka jingjia kala jia hynne ka step phyrngap por 1 baje eiei, ong ka khubor Pulit haba pyntip ba kane ka Iing ka dei kaba shongwai da i kong Ibadamon Langte bad ba longtrai da u Bah D Kharthangmaw.
Ki pulit ki iathuh ba kane ka trok AS25-EC-8004 ka dei kaba dang wan phai na Shillong. Ki iathuh ba kane ka jingjia aksiden kala wan jia namar ka jingbuaid jawsheh jong u nongniah, uba la phet krad mar syn jia kane ka jingjia.
Haba iakren bad i trai Iing, la iathuh ba ha ka por ba wan rat kane ka trok ia ka Iing, ma i lem bad arnut ki Khun ki dang ioh thiah lyngai hynrei donbok kane ka trok kala leit ban rat ia ka kamra shet jingshet haduh ba ki tiar ki tar kila pra lut.
I iathuh ba ka jingrat ka long kaba la jubor bha haduh ba kane ka trok kala leit hap syndon shapoh ka wah Umran.
Na ka liang ki trai iing kila dawa ia u trai jong kane ka trok ba u dei ban siew noh ia ka bai lutksan baroh.
Ki Pulit ka Umsning Police Station kila register case ia kane ka jingjia bad kila leit ban tan ia kane ka trok. Ka jingtohkit mynta kala iaid shakhmat.
